OS MOVEMENTOS INTERNOS DA TERRA
A CODIA ESTÁ FORMADA POR PLACAS
A codia terrestre está fragmentada en grandes anacos chamados placas tectónicas que están en constante movemento como consecuencia das forzas internas da Terra.
O choque entre placas tectónicas hai miles de anos provocou a creación de grandes montañas.
CAMBIOS QUE VEÑEN DO INTERIOR.
A codia terrestre cambia constantemente e non só polo movemento das placas. Algúns cambios prodúcense no interior da Terra, onde se almacena unha gran cantidade de enerxía.
Cando a enerxía interna se libera provoca erupcións volcánicas e terremotos, que rompen e transforman a codia terrestre.
OS VOLCÁNS.
Son os lugares por onde o magma sae á superficie da Terra.
Cando o magma chega á superficie, recibe o nome de lava. A lava ascende por un conduto, a cheminea volcánica, e sae ao exterior por un orificio, o cráter.
Ademais de lava, os volcáns expulsan gases e fragmentos de rocha. Todos estes materiais vanse acumulando arredor do cráter e dan orixe ao cono volcánico.
En España hai volcáns unicamente nas Illas Canarias.
OS TERREMOTOS.
Son movementos bruscos da superficie terrestre producidos polas forzas internas da Terra.
Cando estes movementos son moi violentos poden modificar rapidamente o relevo e producir grandes estragos.
Comentarios
Publicar un comentario