1. QUE É A PREHISTORIA? EN QUE ETAPAS SE DIVIDE?
A Prehistoria é o período máis antigo e extenso do pasado da humanidade. Esténdese desde a aparición dos primeiros seres humanos ata a invención da escritura, hai uns 5000 anos.
ETAPAS: Paleolítico, Neolítico e Idade dos Metais.
2. FORMAS DE VIDA NA PREHISTORIA.
NÓMADE: É aquel que se despraza dun lugar a outro na procura de alimento. Deuse no Paleolítico.
SEDENTARIA: É a persoa que se establece nun lugar fixo para vivir. Deuse no Neolítico e Idade dos Metais.
3. POR QUE AS PERSOAS SE FIXERON SEDENTARIAS?
Fixéronse sedentarios porque empezaron a cultivar e coidar o gando. As persoas do Neolítico decidiron vivir preto das terras e dos animais que domesticaban.
4. EN CADA UNHA DESTAS ETAPAS, TIVERON LUGAR DIVERSOS INVENTOS.
PALEOLÍTICO: ferramentas e lume.
NEOLÍTICO: tear e cerámica.
IDADE DOS METAIS: vela e roda.
5. O MEGALITISMO.
Menhir: Pedra alongada cravada no chan.
Dolmen: Pedras verticais cubertas por unha horizontal.
Crómlech: Grandes pedras verticais que forman un círculo.
6. PINTURA NA PREHISTORIA.
No Paleolítico pintaban animais, como mamuts, bisontes, cervos, cabalos.. Eran pinturas moi realistas e utilizaban varias cores.
No Neolítico, representábase persoas cazando, recolectando ou danzando. Eran pinturas esquemáticas e dunha soa cor.
7. CARACTERÍSTICAS DO NEOLÍTICO.VIVENDA. Vivían en chozas que se construían con adobe, pedras, madeira e palla. As vivendas edificábanse próximas unhas doutras e formaban aldeas, que se protexían con muros.
ALIMENTACIÓN. A caza, a pesca e a recolección deixaron de ser as únicas formas de alimentarse, porque as persoas aprenderon a producir os seus propios alimentos.
VESTIDOS. Vestían e calzaban con peles e con tecidos que aprenderon a fabricar.
8. CARACTERÍSTICAS DO PALEOLÍTICO.
VIVENDA. Vivían en covas ou en chozas que construían con pólas e peles de animais.
ALIMENTACIÓN. Alimentábanse da carne dos animais que cazaban ou pescaban e dos froitos que apañaban.
VESTIDOS. Utilizaban a pel dos animais para vestirse e protexerse do frío. Tamén usaban cunchas, pedras e ósos como adornos.
9. COMO SE DESCUBRIU A AGRICULTURA E A GANDARÍA.
A agricultura, porque se decataron de que, se unha semente caía ao chan, nese lugar medraba unha planta.
A gandaría, porque conseguiron manter os animais nun cercado para obter carne e leite, e así non ter que cazalos.
10. IMPORTANCIA QUE TIVERON A VELA E A RODA PARA O DESENVOLVEMENTO DO COMERCIO.
Melloraron os transportes e permitiron trasladar máis cantidades de produtos dun lugar a outro, por iso beneficiaron o comercio.
Comentarios
Publicar un comentario