CAMBIO CLIMÁTICO (4º CURSO)
O cambio climático está a modificar as condicións das temperaturas, precipitacións e ventos dos climas da Terra.
COMO SE PRODUCIU O CAMBIO CLIMÁTICO?
CAUSAS. A CONTAMINACIÓN DA ATMOSFERA (expulsión de fume e substancias tóxicas ao aire, como o dióxido de carbono). Actividades humanas, como a combustión de carbón ou petróleo, multiplicárono. Os volcáns expúlsano de forma natural.
PROVOCA O EFECTO INVERNADOIRO que produce un incremento da calor na Terra. E á súa vez, O QUECEMENTO GLOBAL, aumentando a temperatura media do planeta.
CONSECUENCIAS DO CAMBIO CLIMÁTICO
FENÓMENOS METEOROLÓXICOS EXTREMOS ( inundacións, secas, ondas de calor, incremento de temperaturas en todas as estacións... que afectan o chan cultivable e reducen a produción de alimentos) DESXEO DE POLOS E GLACIARES. Fai que se perdan ecosistemas, cidades, pobos, aumenta o nivel do mar e asolagan zonas de costa. MIGRACIÓNS HUMANAS E PERDAS DE BIODIVERSIDADE. Moitas persoas teñen que emigrar por culpa de inundacións ou os efectos dos fenómenos meteorolóxicos extremos.
CLIMAS DE GALICIA
O CLIMA OCEÁNICO.
A maior parte de Galicia ten clima oceánico.
As temperaturas son suaves todo o ano: uns 8 ºC no inverno e uns 20 ºC no verán.
As precipitacións son abundantes, aínda que diminúen no verán.
Neste clima ten dúas variantes en función da distancia ao mar e da altitude do terreo: o oceánico de interior e o de costa.
- Oceánico de interior. Ten veráns cálidos e invernos fríos.
- Oceánico de costa. Temperaturas suaves pola influencia do mar e precipitacións.
O CLIMA DE MONTAÑA.
Domina nas serras orientais das provincias de Lugo e Ourense.
As temperaturas son frías no inverno e suaves no verán.
As precipitacións son moi abundantes e, no inverno, con frecuencia en forma de neve.
O CLIMA MEDITERRÁNEO DE INTERIOR.
Localízase nos vales dos ríos Miño e Sil.
As temperaturas son baixas no inverno e altas no verán.
As precipitacións son menores ca no resto de Galicia.
ESPAZOS NATURAIS PROTEXIDOS.
En Galicia hai espazos protexidos para conservar a paisaxe, as plantas e os animais.
Parque Nacional das Illas Atlánticas, paisaxe de terra e mar onde medran plantas como a camariña, e animais como o corvo mariño.
Parque Natural Baixa Limia e Serra de Xurés.
No Norte temos as Fragas do Eume.
Comentarios
Publicar un comentario